Rəsul Rza (1910-1981) 1910-cu il mayın 19-da Azərbaycanın Göyçay şəhərində maarifpərvər ailədə doğulmuşdur. Mənşə etibarı ilə tanınmış Məmmədxanovlar nəslindən olan atası İbrahim kənddə mirzəlik və xırdavatçılıqla dolanmışdır. Anası Məryəm poetik istedada malik olmuş, öz şeirlərini əzbər yadda saxlayırmış. Atasını erkən itirmiş ,anasının və yaxın qohumlarının himayəsində boya-başa çatmışdır. İbtidai təhsilini Göyçayda 1 saylı məktəbdə almışdır. Kiçik yaşlarından şer yazır,mahnı qoşurdu. 1924-cü ildən Göyçayın ictimai həyatında fəal iştirak edib. Göyçay şəhər kitabxanasında müdir (1924) ,həmkarlar klubunda gənclər bölməsinin müdiri(1925) işləyir, Tibilisidə Zaqafqaziya Kommunist Universitetinin kooperasiya şöbəsində təhsil alır (1926-1927). Bu dövrdə ilk şerini “Qiğılcım” almanaxında çap etdirir. “Dan ulduzu “jurnalında “Oğul qatili”, “Arvadbaz”, ”Dilarə “ hekayələri, “Yeni fikir” və “Zarya Vostoka “ qəzetlərində bir neçə şeri dərc olunur. 1930 –cu ildə Bakıya köçməsi onun yaradıcılığında dönüs yaradır. “Gənc işçi “ qəzeti redaksiyas;nda tərcüməçi kimi işə düzəlir , məqalə,oçerk və şerlərini müntəzəm çap etdirməyə başlayır. “ Çapey “ adlı ilk şer kitabında olan “Bolşevik yazı “şeri ilə öz yaradıcılıq yolunu elan edir. O Azərbayçan Elmi Tədqiqat İnsititunun aspiranturasında (1931-1933) , Moskvada Kinomatoqrafiya İnstitutunda təhsilini davam etdirir (1934-1937) . Bakı kinostudiyasında ssenari şöbəsinin rəisi (1937-1938), Azərbaycan Dövlət Filarmoniyasının müdiri (1942-1944) , kinomatoqrafiya idarəsində rəis (1944-1946) , Azərbaycan SSRR kinomatoqrafiya naziri (1946-1949) , Azərbaycan Sovet Ensiklopediyasının baş redaksiyasının baş redaktoru , Ümumdünya Sülhü Müdafiə Komitəsi Rəyasət Heyətinin üzvü , Afrika və Asiya Ölkələri Sovet Həmrəylik Komitəsi rəyasət heyətinin üzvü və respublika üzrə sədri , SSRİ Yazıçılar İttifaqı rəyasət heyətinin üzvü , “ Novosti “ Mətbuat Agentliyinin Azərbaycan şöbəsi idarəsinin sədri , Azərbaycan Respuplikasi Ali Sovetinin (vıı çağırış) deputatı , Azərbaycan KP təftiş komissiyasının üzvü seçilmiş, Lenin və SSRİ Dövlət mükafatları komitəsinin üzvü olmuşdur.Xidmətləri yüksək qiymətləndirilmiş , ona fəxri adlar verilmiş, üç dəfə Lenin ordeni və medallarla təltif edilmişdir. 1981 –ci il aprelin 1-də Bakıda vəfat etmiş , Fəxri Xiyabanda dəfn olunmuşdur. Bakı küçələrindən biri onun adını daşıyır.
Əli Kərim (1931-1969) Kərimov Əli Paşa oğlu-şair, 1954-cü ildən Azərbaycan Yazıçılar Birliyinin üzvü. 1931-ci il martın 22-də Azərbaycanın Göyçay şəhərində fəhlə ailəsində doğulmuşdur. Orta məktəbi bitirdikdən sonra M. Əliyev adına Azərbaycan Dövlət incəsənət institutunun teatrşünaslıq fakultəsində üç il təhsil almışdır. (1949-1951). Sonra Moskvada M. Qorki adına Ədəbiyyat institutunda oxumağa göndərilmişdir. Buranı fərqlənmə diplomu ilə bitirmişdir (1951-1955). Əmək fəaliyyətinə “Azərbaycan “ jurnalı redaksiyasında ədəbi işçi kimi başlamışdır. Sonra ömrünün sonunadək poeziya şöbəsinə rəhbərlik etmişdir. Bədii yaradıcılığa 1948- ci ildən “ Azərbaycan pioneri “ qəzetində çap etdirdiyi “ Təzə müəllim “ şerilə başlamışdır. Sonra dövri mətbuatda müntəzəm çıxış etmişdir. 1957- ci ildə Moskvada keçirilən gənclərin və tələbələrin VI ümumdünya festifalında “ilk simfoniya” poeması mükafata layiq görülmüşdür. 1969-cu il iyunun 30-da Bakıda vəfat etmiş , Göyçayda dəfn olunmuşdur. Orada büstü qoyulmuşdur.
Qantəmir. 1888-ci ildə Göyçay Şəhəri yaxınlığında Potu kəndində doğulmuşdur. İbtidai təhsilini mədrəsədə , orta təhsilini dövrün mütərəqqi fikirli maarifpərvər ziyalılarından İbrahim Həqqinin yeni üsulda açdığı rus- müsəlman məktəbində almışdır. Ağdaş, Göyçay rayonlarında müəllimlik etmişdir. Bir müddət Göyçayda “İqbal “ məktəbinin müdiri olmuş, məhz həmin vaxtlar “Təzə həyat “ , “Tərəqqi “ və s. qəzetlərdə elmi – pedaqoji məqalələrlə çıxış etmişdir. M. Ə. Sabir və A.Səhhətlə şəxsən tanışlığı və görüşü ona ciddi təsir bağışlamışdır. Türkiyənin İstanbul Universitetinin tarix-filologiya fakultəsinin bitirmişdir. 1916-cı ildə “Nəşri- maarif” cəmiyyətinin dəvəti ilə Qubaya gedib yeni üsullu məktəbin açılmasında iştirak etmiş, həmin məktəbdə əvvəlcə müəllim, sonra direktor vəzifəsində çalışmışdır. Bakı Ali Pedaqoji İnstitutu nəzdində fəaliyyət göstərən “Şaiq” məktəbinə rəhbərlik etmişdır.Onun əsərlərində yeni həyat tərənnüm olunur,ictimai tərəqqiyə mane olan köhnəlik və azadlıq düşmənləri kəskin satira atəşinə tutulur. 1944-cü ildə vəfat etmişdir.
Ənvər Məmmədxanlı.
1913-cü il fevralın 29-da Azərbaycanın Göyçay şəhərində doğulmuşdur. Burada ibtidai məktəbi bitirdikdən sonra Bakıda N.Nərimanov adına sənaye texnikumunda təhsil almışdır (1926-1931). Sonra Bakıda mexaniki zavodda, energetika və elektrikləşdirmə idarəsində texnik, Azərbaycan Neft İnstitutunəzdində olan elmi-tədqiqat institutunda texnik-elektrik işləmişdir (1931-1934). Azərnəşrin bədii şöbəsində redaktor və tərcüməçi (1934-1936), Moskvada Ali Kinematoqrafiya İnstitutunda müdahin (1936-1938), “Azərbaycanfilm“ Kinostudiyasında ssenari şöbəsinin rəisi (1941-1942), İkinci Dünya müharibəsi dövründə cənub- qərb cəbhəsində “Qızıl Ordu“ cəbhə qəzetinin Azərbaycan redaksiyasının xüsusi müxbiri olmuşdur.1942-ci ilin axırlarında bir qrupAzərbaycan yazıçısı ilə Şimali Qafqaz cəbhəsində,416-cı diviziyada olmuşdur. Ədəbi fəaliyyətə 1930-cu illərdən başlamışdır. “Şərqin səhəri” (1947), “Od içində “ (1951) pyesləri və “Şirvan gözəli “ (1957) lirik komediyası tamaşaya qoyulmuşdur. Onun ssenariləri əsasında “Bəxtiyar“ kinonovellası, “Fətəli xan”,“Məhəbbət dastanı”, “Babək” bədii filmləri çəkilmişdir. 1990-cı il dekabrın 19-da Bakıda vəfat etmişdir. Fəxri xiyabanda dəfn olunmuşdur.
İbrahim Göyçaylı
1936-cı il noyabrın 12-də Azərbaycanın Göyçay rayonunun Alı kəndində anadan olmuşdur. Dörd yaşında ikən ailəciklə Göyçay şəhərinə köçmüşlər. Burada orta məktəbi bitirdikdən sonra ADU-nun filologiya fakultəsində təhsil almışdır (1953-1958). Fakultənin “Filoloq” adlı divar qəzetinin redaktoru olmuşdur. “Avtomobil nəqliyyatçısı” qəzetinin xüsusi müxbiri kimi fəaliyyətə başlamışdır. “Azərnəşrdə“ redaktor, “Mədəni ticarət“ və “Za – kulturnuyu torqovlyu“ qəzetləri redaksiyasında baş redaktor işləmişdir. Ədəbi yaradıcılığa 1957-ci ildə “Gəncliyin səsi“ almanaxındaçap olunan “Qəlbimə həkk etdim sənin səsini“, “Sarı sim“ şerləri ilə başlamışdır.
Şerləri rus, gürcü, özbək, türkmən, tatar, litva dillərinə tərcümə edilmişdi.
Arif Sirac oğlu Məmmədov.
1927-ci il dekabrın 15-də Göyçay rayonunun Kürdşəban kəndində anadan olub. Təhsilini Bakıda 190 saylı orta məktəbdə alıb. A D U-nun şərqşünaslıq fakültəsinin fars bölməsini bitirib. Moskvada Qorki adına Dil və Ədəbiyyatı İnstitutunun aspiranturasında təhsil aldıqdan sonra dissertasiya müdafiə edib filologiya elmləri namizədi alimlik dərəcəsinə yiyələnib. O “Azərbaycan poeziyasının musiqi ilə qarşılıqlıəlaqəsi problemləri“ mövzusunda doktorluq disertasiyasınıda müdafiə etmişdir.
O, iki yüzdən çox elmi tədqiqat əsərinin müəllifidir. 1985- ci il dekabrında vəfat etmişdir.
Əli Səmədli 1930-cu il sentyabr;n 1-də Azərbaycanda Göyçay rayonunun Mallı Şıxlı kəndində müəllim ailəsində anadan olmuşdur. Göyçay şəhərində 1 saylı orta məktəbi bitirdikdən sonra M. Əliyev adına Azərbaycan Dövlət İncəsənət İnstitunun teatrşünaslıq fakültəsində təhsil almışdır.(1948-1953). Əmək fəaliyyətinə Pirallahı adasındakı fəhlə yataqxanasında tərbiyəçi-müəllim kimi başlamışdır (1953). Sonra Azərbaycan Mədəniyyət Nazirliyində inspektor, respublika kinoprokat Idarəsində rəis müavini, Azərbaycan Kinomatoqrafçılar ittifaqında sovet incəsənətinin təbliği bürosunun direktoru, M. Əliyev adına Dövlət incəsənət institutunda müəllim, “ Azərbaycan pioneri” qəzeti redaksiyasında ədəbiyyat və incəsənət şöbəsinin müdiri olmuşdur (1954-1973), Azərbaycan Dövlət Televiziya və Radio Verlişləri redaksiyasında redaktor (1973-1987), radionun uşaq verlişləri şöbəsindəredaktor (1987-2000) işıəmişdir. Hazırda Azərbaycan Yazıçılar Birliyində uşaq ədəbiyyatı bölməsinin rəhbəridir. Ədəbi yaradıcılığa 1959-cu ilin mayında “Ədəbiyyat və incəsənət “ qəzetində çap olunan “ Unuda bilmirəm “ adlı ilk hekayəsi ilə başlamışdır. Bundan sonra dövri mətbuatda hekayələrlə müntəzəm çıxış edir. Onun 36 səhnə əsəri vardır. Bunlardan “Artıq tamah baş yarar“, Hərənin bir ulduzu“, “Kibrit çöplərinin macərası“, “Sehrli xalça “nağıl- pyesləri,“ Sarıtel xanım“ komediyası, “Əzablı günlərin sonu“, “Atalar və oğullar“, “Generalın uşaqlığı“, “Ölüm hökmü“, “Qanlı bənövşə“ pyesləri respublika dövlət teatrlarında tamaşaya qoyulmuşdur. “Artıq tamah baş yarar “ nağıl- pyesi 1964-1988 –ci illərdə A.Şaiq adına
DövlətKukla Teatrında 250 dəfə tamaşaya qoyulmuşdur. Əsələri xarici ölkə xalqlarının dillərinə tərcümə olunmuşdur.Göyçayda “Arvan” adlı kitabxana- muzey açmışdır. həmin kitabxanaya on beş mindən artıq kitab: yüzlərlə - etnoqrafik əşya, rəssam vəheykəltəraşlıq əsərləri hədiyyə etmişdir.Eyni zamanda qədim Dərbənd şəhərində “Şirvan” adlı kitabxana – muzey yaratmışdır. Məkkədə Müqəddəs Həcc ziyarətindəolmuşdur (1997).
İsgəndər Coşqun. 1927-ci ildə Göyçay şəhərində fəhlə ailəsində doğulmuşdur. Burada orta təhsil alandan sonra Bakıda M.A.Əliyev adına Teatr İnstitutunun teatrşünaslıq fakultəsinə daxil olmuşdur. Həmin il “Mavzoleydə “ adlı ilk mətbu şeri “Ədəbiyyat və incəsənət“ qəzetində çapdan çıxmışdır.
1952- ci ildə Moskvada M.Qorki adına Ədəbiyyat İnstitutunun poeziya şöbəsinə daxil olmuş, 1955-ci ildə oranı bitirmişdir. 1962-ci ildən M.Qorki adına Azərbaycan Dövlət Gənc Tamaşaçılar Teatrında ədəbi hissə müdiri işləmişdir.
“Bakı komissarları” pyesi tamaşaya qoyulmuşdur (1986). 1996- cı il dekabrın 10-da vəfat etmişdir.
